Sinoć je u Muzičkom centru Crne Gore održan koncert “Bulbili”, u sklopu manifestacije Dani kulture manjina Crne Gore.
Publika je imala priliku da čuje tradicionalne pjesme zadarskih Arbanasa, koje su na izuzetno umjetnički i emotivan način interpretirale Dina Bušić (glas) i Melita Ivković (gitara).
Zadarski Arbanasi potiču iz Šestana kod Bara, odakle su se prije oko 300 godina naselili u zadarski kraj. Uprkos vremenu i udaljenosti, sačuvali su bogato muzičko nasljeđe svog porijekla pjesme koje i danas žive zahvaljujući ovakvim projektima i umjetnicama koje ih s ljubavlju prenose publici.
Divno veče, autentične melodije i snažan podsjetnik koliko je važno čuvati i dijeliti našu zajedničku tradiciju.
